კონფიდენციალურობის პოლიტიკა

წყარო: საჯარო ოფერტი, §13 · v1.0 · 2026-08-05

13. პერსონალური მონაცემები

13.1. პერსონალურ მონაცემთა დამმუშავებელია შპს „იოურ კოფე“ (ს/ნ 400345015).

13.2. მუშავდება: მობილური ტელეფონის ნომერი, აპლიკაციისა და მოწყობილობის იდენტიფიკატორები, ჩექინის მომენტში ადგილმდებარეობის მონაცემები, შეკვეთებისა და ჩეკების მონაცემები, ლოიალობის პროგრამის მონაცემები, კომპანიასთან კომუნიკაციის ისტორია.

13.3. კომპანია არ ამუშავებს საბანკო ბარათის მონაცემებს. ბარათის ნომერი, ვადა და უსაფრთხოების კოდი კომპანიისთვის ხელმისაწვდომი არ არის.

13.4. ადგილმდებარეობის მონაცემები მუშავდება მხოლოდ სავაჭრო ობიექტში ჩექინის მომენტში, მომხმარებლის ობიექტში ყოფნის დასადასტურებლად. აპლიკაცია არ ახორციელებს მომხმარებლის უწყვეტ თვალყურის დევნებას.

13.5. დამუშავების საფუძვლებია „პერსონალურ მონაცემთა დაცვის შესახებ“ საქართველოს კანონის მე-5 მუხლი: ხელშეკრულების შესრულება, კომპანიის კანონისმიერი ვალდებულებების შესრულება (მათ შორის, საგადასახადო), კომპანიის ლეგიტიმური ინტერესები (უსაფრთხოება და თაღლითობის პრევენცია), ხოლო მარკეტინგული კომუნიკაციისთვის — მომხმარებლის თანხმობა.

13.6. პირდაპირი მარკეტინგი (SMS, push-შეტყობინებები, აქციების შესახებ ინფორმაცია) ხორციელდება მხოლოდ მომხმარებლის თანხმობით, იმავე კანონის მე-12 მუხლის შესაბამისად. მომხმარებელს უფლება აქვს ნებისმიერ დროს, დასაბუთების გარეშე გამოითხოვოს თანხმობა აპლიკაციის პარამეტრებში ან კომპანიისთვის მიმართვით. კომპანია ვალდებულია შეწყვიტოს პირდაპირი მარკეტინგი მოთხოვნის მიღებიდან 7 სამუშაო დღის ვადაში.

13.7. მომხმარებელს აქვს უფლება: მიიღოს ინფორმაცია დამუშავების შესახებ (მუხლი 13), გაეცნოს მონაცემებს და მიიღოს მათი ასლი (მუხლი 14), მოითხოვოს მონაცემთა შესწორება და განახლება (მუხლი 15), მოითხოვოს დამუშავების შეწყვეტა, მონაცემთა წაშლა ან განადგურება (მუხლები 16 და 17), გამოითხოვოს თანხმობა (მუხლი 20).

13.8. მონაცემები ინახება მიზნის მიღწევამდე, ხოლო გარიგებებისა და საგადასახადო დოკუმენტების მონაცემები — საქართველოს საგადასახადო კანონმდებლობით დადგენილი ვადით.

13.9. ინციდენტის შემთხვევაში კომპანია ატყობინებს ზედამხედველ ორგანოს იმავე კანონის 29-ე მუხლით დადგენილი 72 საათის ვადაში.

13.10. მომხმარებელს უფლება აქვს მიმართოს ზედამხედველ ორგანოს — საქართველოს სახელმწიფო აუდიტის სამსახურს, რომელიც 2026 წლის 2 მარტიდან ახორციელებს პერსონალურ მონაცემთა დაცვის სამსახურის ფუნქციებს — ან სასამართლოს.

13.11. მონაცემებთან დაკავშირებული ნებისმიერი მოთხოვნა იგზავნება მისამართზე: support@yocoge.com.